Les mots surlignés font l'objet d'une note
1Monsieur, hyer au soyr, revenant de voyr monsieur de Brie, ce
2que je navoys faict depuys son retour, je trovay en rue le serviteur
3du chevaucheur qui me dona ung paquet assés gros adressé
4à messieurs de notre compagnie. Je trovay dedans ung moyndre
5paquet pour maître Morard. Je cognus au cachet que cestoyt de
6monsieur le president Truchon ; une seule letre à vous monsieur,
7que je vous envoye et une à la cour, de viehe date et sans
8novelles, et poynt à moy ny à aultre. Passant par la mesme
9rue, je trovay une dame qui me voloyt dire je ne scay quoi
10qui ne vault guières de la cour. Jentens sur ce mot de discorde
11sil nen est rien, loué soyt Dieu, sil en est quelque chose, nous ne
12le scaurons que trop tost pour mon regard je ne les volus
13enquerir guières oultre, ayns, voyant dalieurs ung personage
14derrier[e] moy qui neut demandé mieulx, changey propos et
15la laissay assés court. Dieu par sa bonté, conduira le tout
16à sa gloyre, lequel je voys prier,
17monsieur, vous doner en santé, heureuse et longue vie, sa
18grace, sans oublier de me recommander humblement à la votre.
19De Grenoble, ce XIe de sepbre 1571.
20Vostre très humble et
21obeissant serviteur
22g deportes